aati hai aane par
na aane par bhi aati hai "Yaad"
chahne par
chali aati hai
Dhoop si kamre me fail jati hai
na chahne par bhi aati hai yaad.
Achanak kabhi
chupke se dubak kar
kabhi darwaje khar-kharakar aati hai yaad
yaad aati hai
dhoop, hawa chandni ki aad lekar
yaad aati hai beeti yaadon ka pahad lekar
tumhare aane ki aahat se aati hai yaad
tumhare jane ki chahat se aati hai yaad
na hone par tumhare
satati hai "Yaad".
Jagati hai subah jaagne par
jagati hai raat sone par
kamra khula
ya band hone par
Palken bhigone
chupke se
aati hai
"YAAD".
-Susheel Gairola
© published in 2008.
